Тропарь Тульским святым
глас 2
Наста день светлаго торжества, / земля наша радуется, / и с нею Церковь Христова веселится, / в прославлении Собора Тульских святых, Богу угодивших, / к ним же мы притекающе, взываем сице: / о, преславнии сродницы наши, / молите Христа Бога даровати миру мир, / Отечеству благоденствие, / и душам нашим велию милость.
Кондак Тульским святым
глас 3
Днесь Собор Тульских святых предстоит в Церкви / и невидимо за ны молится Богу: / ангели со архиереи славословят, / мученики ликовствуют, / преподобнии и праведнии радуются, / и людие православнии веселятся: / вси бо купно молят Превечнаго Бога.
Иной кондак Тульским святым
Тульския земли святые песньми почтим: и молитвенники за ны Тебе, Господи, приводим в молитву. Их же ради спаси души наша, яко Милосерд.
Величание
Величаем вас, /святии вси, в земли Тульстей просиявшии, /и чтим святую память вашу, /вы бо молите о нас /Христа Бога нашего.
Величание (святым воинам, на Куликовом поле за веру и Отечество души свои положившим)
Величаем вас, /святый благоверный княже Димитрие и мученицы-воини, /и почитаем честную память вашу, /вы бо на поле Куликове за веру и Отечество души своя положивше, /подвигом любви землю Российскую прославили есте.
Тульский Собор – один из самых многочисленных в Русской Православной Церкви|1|, в него входят:
АГРИППИНА Ивановна Лесина (1897-1938), послушница, мц. (пам. 26 дек., в Соборе новомучеников и исповедников Церкви Русской и в Соборе Тульских святых);
Празднование Собора Тульских святых было установлено по благословению Патриарха Московского и всея Руси Пимена в 1987 году. День праздника — 5 октября|3|.
Молитва Собору Тульских Святых.
Боже Святый, иже на святых почиваяй, и трисвятым гласом на небеси от Ангел воспеваемый и на земли от человек во святых Своих прославляемый!
Давый Божественным Твоим Духом комуждо от человек просвещающую и животворящую благодать, еюже мнози явишася святи в коемуждо роде различными добродетельми благоугодившии Тебе. Образ нам добрых подвигов своих оставиша, сами искушении быша и нам, напаствуемым, помогати готови суть. Сих же богоугодное житие похваляюще, Тебе Самаго в них действовавшего восхваляем и прилежно молим: Святе святых! Даждь нам, грешным, последовати учению, житию, любве, вере и смирению их.
Ты бо рекл еси, Владыко устами Иакова апостола и сродника Твоего по плоти: «много бо может молитва праведного поспешествуема» — то кольми паче много может молитва собора святых сродник наших на умоление Тебе о спасении нашем.
О, преславный и пречестный Соборе всех святых в земле Тульской просиявших! Предстателие, молитвенницы и теплые ходатаи наши! Помяните нас, странствующих зде, и дарованною вам от Бога благодатию управите нас к Небесному Отечеству, укрепите немощь нашу, оградите от искушений и соблазнов века сего, возродите в нас святую любовь и ревность о Господе нашем.
О, блаженнии угодницы Божии равноапостольные: священномучениче Кукшо и преподобномучениче Никоне; преподобнии отцы Макарие, Варсонофие, Никифоре, Макарие; благоверный княже Димитрие с супругою Евдокиею в иночестве Евфросиниею; преподобномученицы Александре и Андрее; многострадальнии новомученицы и исповедницы Иларионе, Никито, Игнатие, Онисиме, Николае, Алексие, Алексие, Николае, Петре, Исаакие, Гурие, Августо, Макарие, Анфисо, Марие и Агриппино; блаженнии Иоанне, Евфросиние, Матроно со всеми прочими святыми в земле нашей просиявшими.
Помозите нам жити праведно и целомудренно в нынешнем веце, присно же памятовати о часе смертном и страшном втором пришествии Господа и Спаса нашего Иисуса Христа, да благодатию и человеколюбием Его соблюдаеми и мы сподобимся в Небесном Царствии купно с вами поклонятися Престолу Божию и благодарно и всерадостно славити Отца, и Сына, и Святаго Духа, Единаго в Троице славимаго Бога, и ваше милостивое о нас ходатайство всегда, ныне и присно, и во веки веков. Аминь|4|.
Источники